(UPDATE) IPPO Director PSSUPT Harold Tuzon, ginrelieve kasunod sang pagsulod sang NPA sa Maasin Police Station

Iloilo–Ginkumpirmar ni Governor Arthur Defensor ang pag-relieve kay Iloilo Police Provincial Office Director PSSUPT Harold Tuzon kasunod sang pagsulong sang NPA sa Maasin Police Station kahapon.

Suno sa gobernador, naka-istoryahanay sila ni Police Regional Office 6 Director PCSUPT Cesar Hawthorne Binag kag ginpahibalo siya sa mandu halin mismo sa PNP headquarters nga kakason si Tuzon kag butangan sang OIC ang IPPO. Gindesignar nga caretaker sang IPPO si PRO 6 Deputy Regional Director for Operations PSSUPT Christopher Tambungan.

Ginmandu man ang pag-relieve sa 23 tanan ka pulis sang Maasin Police Sstation lakip ang hepe nga si PSINSP Ray Cordero. Failure sa intelligence ang gintumod nga rason sa pagkakas kay Tuzon suno kay Defensor. (AGB)