(UPDATE) Maasin Mayor Mariano Malones, nanginwala sa akusasyon sang NPA nga may mga pulis nga nagapangilkil sa mga vendors; NPA, nagdeny man nga may ginkuha nga kwarta ukon alahas sang gin-atake ang Maasin Police Station
Maasin, Iloilo–Ginpanghiwala ni Maasin Mayor Mariano Malones ang mga akusasyon sang New Peoples Army sa ila sulat nga gin-raid sang grupo ang Maasin Police Station kag gindis-armahan ang mga pulis bangud sa ginpahayag pagpangilkil sang pila ka pulis sa mga vendors sa banwa kag nagapabaya sa kampanya kontra sa illegal nga druga kag sugal.
Suno sa alkalde, nasorpresa siya sa mga akusasyon sang mga rebelde bangud wala man siya sang may nabaton nga report ukon reklamo. Apang usisaon ni Malones kun may kamatuoran gid man ang akusasyon sang NPA.
Balik naman sa normal ang sitwasyon sa banwa suno sa alkalde.
‘Indi matuod’
Sa Facebook page sang Jose Percival Estocada Command, ginpanginwala sang NPA nga may gindala sila nga kwarta ukon alahas sang mga pulis. Indi man matuod suno sa rebelde nga grupo nga may gintapak sila nga ulo sang pulis kag sa baylo, gingapos lang nila ang kamot agud indi magbato. (AGB)
Ang butigon tindugan gid ang ila binutig…pero dapat may ebidensya kag credible witness ang both parties. May punto man ang NPA…kay kon lain tuyo nila, gin pamatay na nila ang mga pulis.
Ang pinakaayo nga solusyon…ang pag compromise sang both parties…IDENTIFY ANG NAGAPANGILKIL NGA MGA PULIS PARA INDI MADALA ANG MGA MAAYO
2.IBALIKI SANG NPA ANG MGA GINKUHA NGA MGA ARMAS.
3. MAG PADALA SANG EMISSARY ANG NPA NGA MAG REKLAMO KAG AKUSAR ANG GINATUMOD NGA NAGA PANBILKIL.
4. INDI MADALA SA BALA KAG PAGKAMATAY SANG PAREHO NGA MGA ILONGGO…DIALOG ANG SOLUSYON SA IBABAW SANG LAMISA NGA MAY KALDERETA , RED HORSE, KAG TUBA.
Indi na mag abot ang inaway diri sa City kay localized ang problema…unless otherwise kuhaon sang NPA ang kurap nga opisyales nga naga pa ABO ABO KAG BATINGILAN NGA SIGI PA GIHAPON ANG PANGAWAT KAG NAKAGUBA SANG IMAHE SANG ILOILO KAG HALIT SA MG ILONGGO…INDI LANG NILA PAG IDAMAY ANG MGA SIBILYAN PARA INDI MAGSAMO ANG MGA NAGAPAHIMUYONG NGA MAKAHANG NGA MGA ILONGGO.