(UPDATE) Alsa Masa sa Lampaya, Leon, nagapati nga mga rebelde ang ila naka-engkwentro
Leon, Iloilo–Nagapati ang mga taga-Alsa Masa sa Barangay Lampaya nga mga rebelde ang ila naka-engkuwentro kahapon. Suno kay alyas Naro, nasiplatan niya nga nagalibot-libot sa lugar ang mga armado nga kalalakihan tubtub nga may nagpalupok sang pusil.
Nabatian pa ni Naro nga nagsinggit sang ‘assault’ ang mga rebelde samtang nagapalupok. Indi maka-konfirmar si Naro kun anu nga grupo sang mga rebelde ang nag-atake bangud ordinaryo lang nga bayo ang ila mga ginasoksok. Makaduha na ini ka beses suno sa iya nga nag-atake ang mga rebelde sa Lampaya gani wala nila sadtu gin-surrender ang ila mga armas kag ginpakudalan ang lugar.
Una na nga nanginwala ang New Peoples Army paagi sa Facebook account sang Coronacion Chiva ‘Waling-Waling’ Command nga ila unit ang naka-engkwentro sang mga tanod kag katapu sang 61st Infantry Battalion kahapon. Gintawag sang NPA nga misencounter ang natabu sa tunga sang mga soldado kag paramilitary nga CAFGU. (AGB)