10-wheeler truck versus elf truck versus SUV

Leganes, Iloilo–Nagkarambola ang 10-wheeler truck, elf truck kag SUV sa Barangay Guihaman kaina sang hapon.

Suno kay PO2 Leo Barnuevo, una nagbunggo ang elf truck sa likod sang Toyota Innova nga padulong sa Leganes. Nagdiretso ang elf truck gani nabungguan ang sugata nga 10-wheeler truck.

May pilas sa tuo nga tiil ang driver sang elf truck nga si Bonifacio Gantan, 50 sang Poblacion, Lemery, kag may pilas sa wala nga tiil ang iya pahinante nga si Honorato Segaya, 40. Naglawig sang 30 minutos antes nakuha sang BFP Iloilo City, BFP Leganes kag ICER team ang duha nga gindala sa Iloilo Mission Hospital.

Wala naman nasamaran ang driver sang 10-wheeler nga si Joselito Balibol, 39-anyos sang Badiang, Anilao. (AGB)