(UPDATE) 2 ka lalaki nga gintudlo nagpatay kag posible naghimulos sa pito ka tuig nga bata nga babaye sa Sara, nanginwala sa akusasyon batuk sa ila

Sara, Iloilo–Ginpanghiwala sang isa sa duha ka mga suspetsado sa paghimulos kag pagpatay sa pito ka tuig nga babaye ang akusasyon batuk sa ila.

Suno kay Jun Michael Macinal, 18-anyos sang Aldeguer, Sara, wala niya nakita si alyas Inday sang nagkadtu siya sa plaza upod ang iya barkada kag amay agud nga maghampang sa peryahan. Natingala si Macinal kun ngaa isa siya sa mga suspetsado sa krimen upod si Jay-r posadas, 19-anyos sang Dugman, San Dionisio.

Ginpabutyag ni PCINSP Ronnie Brillo, hepe sang Sara Police Station, nga may mga testigo sila nga makapamatuod nga sanday Macinal kag Posadas ang nagdala sa biktima sa guba nga CR sa merkado publiko antes nasapwan kahapon sang aga.

Si Macinal suno kay Brillo ang may record sang pagpanglambat kag pagpanghaboy sang bato sa ila barangay samtang si Posadas ang ginpahayag involved sa pagbaligya sa illegal drugs. (AGB)