January 27, 2022

IED, nasapwan sa Alimodian!

Read Time:42 Second

Alimodian, Iloilo–Napunggan ang plano sang wala pa nakilala nga grupo nga magpanghalit matapos nakita sang mga pumuluyo ang improvised explosive device (IED) nga ginbilin sa puno sang lubi sa kilid sang dalan sa Barangay Bagumbayan.

Ang IED nagabug-at sang pito ka kilo. Suno kay PSINSP Ramon Coriana, chief sang Alimodian Police Station, daku nga kahalitan kuntani ang matuga kun naglupok ang IED. Ginlaragway sini nga tuman ka “accurate” sang pagplastar sang explosibo sa lugar nga masami gina-agyan sang tropa sang gobyerno kun may matabu sa Maasin kag Alimodian area. Dire man masami ginahamtangan sang checkpoint sang police. Suno naman kay PINSP Reyman Binobo halin sa Iloilo Police Provincia Office, posible 200 ka metro ang malab-ut kon magsigabong ang explosive.

Nagapati si Coriana nga para gid sa tropa sang gobyerno ang IED nga ila nakuha. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mobile kitchen, nasunog sa Jaro!
Next post GRO, nagreklamo nga ginguramos sang kaupod sa trabaho!