Taxi driver, arestado sa buybust operation sa Lapuz!

Iloilo City –– Arestado ang driver sang Forbes taxi sa buybust operation sa Bo. Obrero Lapuz kagab-i. Ginkilala ang nadakpan kay Mark Louie Feo, 37 sang Balabag, Pavia kag driver sang Forbes Taxi. Gin-aresto man si Jowen Zaragosa sang Bakhaw, Mandurriao, ang ginkuhaan ni Feo sang items. 17 ka sachets nga ginabanta P12000-15,000 ang street value ang nakuha sa mga arestado.

Una na nga gin-ako ni Feo nga nagagamit siya sang shabu. Pero ginrason nga ginsugo lang siya sang iya kilala nga magkuha sang shabu kay Zaragosa. Suno pa kay Feo, magarahe na kuntani siya sang nadakpan. I-impound sang Regional Drug Enforcement Team Alpha ang unit bangud diri natabu ang daw-anay sang items. (JoMaque)