Drivers sang duha ka nagbunggu-anay nga motorsiklo, patay!
Sara, Iloilo–Patay ang mga driver sang duha ka motorsiklo nga nagbunggu-anay sa Barangay Alibayog kahapon.
Ginkilala ang mga napatay kanday Jonathan Faren, 53-anyos sang Palawan apang temporaryo nga naga-istar sa Alibayog, kag Salvador Sioquim, 44-anyos sang Lemery. Suno kay PO2 Francis Aricaya sang Sara Police Station, halin sa Sara kag pakadto sa Lemery si Sioquim samtang pakadto sa Poblacion, Sara si Faren sang natabu ang aksidente.
Pareho nga may patal nga pilas sa ulo ang mga drivers. (AGB)