Janiuay Mayor, nagkumpirmar nga may nasiplatan nga armado nga grupo sa pila nila ka barangay
Janiuay, Iloilo-Ginkumpirmar ni Janiuay Mayor Jojo De Paula nga may sightings ukon may nasiplatan nga armado nga grupo sa banwa.
Partikular nga gintumod sang alkalde ang Barangay Caraudan sa diin nasiplatan ang mga NPA members matapos ang pag-atake sa Maasin Police Station; Barangay Anhawan kag Barangay Tambal sa diin pinaka-ulihi nga nasiplatan ang mga rebelde sang Biernes kag pito pa ka mga barangay. Sang Biyernes, gin-evacuate man sang mga empleyado ang munisipyo bangud sang bomb threat pero nangin negatibo ang resulta sang pagpangusisa sang bomb squad.
Ginpasiguro naman ni De Paula nga ginahimo sang local government ang tanan agud masiguro ang kaluwasan sang publiko. (AGB)