Pagdisiplina sa mga pulis, ginatutukan ni IPPO acting director Marlon Tayaba
Iloilo — Ginatutukan sang bag-o nga acting director sang Iloilo Police Provincial Office ang pagdisiplina sa mga pulis. Sa labing una nga flag raising ceremony ni Senior Supt. Marlon Tayaba bilang IPPO acting director kahapon, ginpa-andaman sini ang mga pulis nga likawan ang paghimo sang kalainan kon wala man lang sang mabulig sa organisasyon. Ginpahayag ni Tayaba nga indi siya kunsintedor kag pasabton gid sini ang pulis nga makahimo sang sala. Si Tayaba ang nagbulos kay Senior Supt. Harold Tuzon nga ginrelieve pagkatapos gin-atake sang new peoples army ang maasin police station sang damlag lang. (JoMaque)