Trisikad driver, nagsorry sa pagbuno sa call center agent

Iloilo City–Napilasan sa guya kag iban pa nga parte sang iya lawas ang 22-anyos nga call center agent nga ginhold-up kag ginbuno sa San Juan, Molo kaina sang kaagahon.

May pilas man sa agtang kag tuo nga palad si Cherry Lyn Rrentoy. Nadakpan sa follow-up operation ang suspek nga trisikad driver nga si Charlie dela Cruz, 23-anyos.

Nagalakat sa taytay ang biktima padulong sa iya trabaho sang gintayaan siya sang kutsilyo sang suspek kag gin-agaw ang iya sling bag nga may unod nga cellphone kag wallet. Narecover sang lola sang biktima ang kutsilyo nga ginapatihan gingamit sang suspek kag ginturn-over sa barangay tanod.

Suno naman kay Dela Cruz, hubog siya kag wala nakahibalo sang iya ginahimo. Nagsorry si Dela Cruz sa pamilya ni Rentoy. (AGB)