Mga pulis nga nagareklamo sang 48-oras nga duty, ginapa-resign ni ICPO Director Canieso
Iloilo City — Ginapa-resign ni Iloilo City Police Office Director SSUPT Remus Zacharias Canieso ang mga pulis nga nagareklamo sang 48 oras nga duty ukon 2-days kag 1-day off bangud sang pamahog sang terorismo sa pungsod. Suno kay Canieso, kun indi masarangan sang mga police ang sitwasyon, mas maayo nga magresign kag magpangita sang matawhay nga trabaho. Gin-imbitar ni Canieso ang mga pulis nga wala nakahangup sang red alert status, nga magbisita sa iya opisina agud maathagan. Ginpahanumdom ni Canieso nga ini ang tion agud maserbisyuhan kag maproteheran ang mga pumuluyo. Ginapabasa man ni Canieso ang mga nagareklamo nga pulis sang kahulugan sang red alert status agud maathagan. (JoMaque)