‘Practice healthy lifestyle’
Iloilo City–Gina-engganyo sang City Health Nutritionist ang mga ginikanan sa pag-practice sang healthy lifestyle para sa ila kabataan.
Kasunod ini sa record sang City Health Office nga 726 ka pre-schoolers nga naga-edad zero tubtob 60 months ang makonsiderar nga obese. Suno kay CHO Nutritionist Ma. Theresa Garganera, maka-alarma ang numero kon indi mapunggan ang pagdamo.
Bilang estratehiya suno kay garganera, ginapa-exercise ang kabataan sa sulod sang 15 minutos sang makatatlo ka beses kada semana. Ginsuhestyun ni Garganera sa ginikanan nga ilakip sa diet sang ila kabataan ang green leafy vegetables kag indi lang mga pagkaun nga puno sang carbohydrates kag protein. (AGB)