26- anyos nga estudyante, naghikog paagi sa pagtiro sang kaugalingon!

Cabatuan, Iloilo — Patay ang 26-anyos nga estudyante sang naghikog paagi sa pagtiro sang kaugalingon. Suno kay PO3 Renan Lanado, imbestigador sang Cabatuan Police Station, natabu ang insidente las 8:10 sang aga sa Barangay Mamoringan Garido. Ginpahayag naghikog ang estudyante matapos natukiban nga may failure ang iya grado kag ginhambalan sang iya iloy. Ginapatihan nga naglain ang buot sang lalaki gani nagsulod ini sa iya kuwarto kag nagpaminsar nga maghikog gamit ang 45 kalibre nga pusil. Narecover sa lugar ang 45 caliber pistol nga may 5 ka mga bala kag isa ka baseyo. Gindala pa sa Iloilo Doctor’s Hospital ang lalaki apang gindeklarar nga napatay ala 1:14 kahapon sang hapon. (JoMaque)