DOT 6 Director Atty. Helen Catalbas, nagpa-athag; COA report nga may unused budget sila sang 2016, indi matuod!

Iloilo City–Indi matuod ang report sang Commission on Audit ukon COA nga wala nagamit sang Department of Tourism ukon DOT 6 ang  masobra 19 milyones pesos nga budget sang nagligad nga tuig.

Ginpa-athag ni DOT 6 Director Atty.Helen Catalbas nga wala sang excess sa gin-alokar sa ila nga pondo sang nagtakop ang 2016. Sa pagkamatuod suno kay Catalbas, may pinakadaku nga fund augmentation ang DOT 6 halin sa national agency bangud sa pagsanyog sang turismo sa rehiyon. Ginpabutyag ni Catalbas nga nadelay sila sa pagpasa sang property report bangud gina-id idan niya ini kasunod sang pagtransfer sang ahenisya sa bag-o nga building.

Base sa COA report, lakip man ang DOT Region 4-B nga may unused budget nga naglab-ot sa masobra 24 million pesos.

‘Malisyoso’

Gintawag pa ni Catalbas nga malisyoso ang nag-obra sang COA report. Luyag niya nga komprontahon ni Catalbas ang naghimo sang report agud hibaluon kon diin sini ginkuha ang data nga wala nagasto sang DOT 6 ang alokasyon sang nagligad nga tuig. (AGB)