Lalaki sa Ajuy, gintiro sang iya abyan!
Ajuy, Iloilo–Estable na ang kondisyon sang 46-anyos nga lalaki nga gintiro sang iya abyan sa Sitio Caburihan, Brgy. Sto Rosario, Ajuy kagab-i.
Suno kay PCINSP Charlie Sustento, hepe sang Ajuy Police Station, may pilas sa tuo nga abaga si Hermenio Albansis Jr, residente sang nasambit nga lugar nga padayon nga ginabulong sa ospital. Base sa imbestigasyon sang Ajuy Police, nakita sang biktima si Albert Panes alyas Butik, residente man sang nasambit nga lugar nga nagtiro sa iya gamit ang ginapatihan 12-gauge shot gun.
Ginpahayag sang biktima nga ginpahulam niya ang suspetsado sang iya motorsiklo sang indi pa siya makahibalo mag-drive. Pero sang iya na ginkuha, daw indi pa pag-ibalik ni Panes. Nagbaisay kag naglainay sang buot ang duha suno kay Sustento.
Nagsurrender kaina sang aga si Panes apang nagpamalibad nga maghatag sang komento sa insidente. (AGB)