MGA NAGASABLAG SA SIDEWALK SANG ILOILO CENTRAL MARKET, GINPANGKAKAS SANG TASK FORCE ASIS!
Iloilo City–Ginhawanan sang Task Force ASIS ang sidewalk sang Iloilo Central Market kaina sang aga.
Una na ginpabutyag ni Ariel Castañeda, head sang Local Economic Enterprise Office, nga katuyuan sini nga mapasulhay ang pagsinalayo sa merkado. Pero wala nadala sa pagpanghawan ang canopy nga ginbutang ni Rex Donasco, presidente sang Association of Transient Vendors sa Central Market, sa atubang sang iya pwesto kasunod sang negosasyon ni Castañeda sa ASTRAVEN.
Ginpresentar sang LEEO head ang deed of undertaking sa diin nabutang nga indi pagtandugon sang Task Force ASIS ang nagalabaw sa sidewalk nga kayang-kayang sa pwesto ni Donasco kag iban pa nga obstruction sang mga vendors nga wala nadala sa pagpanghawa. Pero ginhatagan sila sang isa ka bulan agud boluntaryo nga sila na lang ang maguba sang nagasablag sa sidewalk. (AGB)