Manugbaligya itlog, nadakpan sa buy bust operation sa Pavia!

Pavia, Iloilo–Arestado sa buy bust operation sang Philippine Drug Enforcement Agency 6 ang manugbaligya sang itlog kaina sang aga.

Narecover kay Oliver “Lamok” Estandarte, 42-anyos, sang Phase II, Deca Homes Subdivision, Barangay Pandac Pavia ang 37 tanan ka sachets sang suspected shabu nga ginabanta nagabalor P80, 000 kag 1,000 pesos nga buy bust money. Suno sa PDEA 6, ginakuha ni Estandarte ang iya drug supply sa Bakhaw, Mandurriao.

Si Estandarte ang newly-identified drug personality kag yara sa idalom sang monitoring sang PDEA sa sulod sang duha ka bulan. (AGB)