14-anyos nga bata nga naanod sang baha sa Lemery, nakita na

Lemery, Iloilo — (UPDATE) Nakita ang bangkay sang 14-anyos nga bata (Jerry) nga una ginreport nga missing matapos naanod sang baha ang ila payag-payag samtang nagakatulog sa Sitio Libongcogon, Brgy. Layogbato, Lemery kagab-i. Una na nga nakita ang bangkay sang amay nga si Ricky Ortega, 45. Nakaluwas naman ang 11-anyos nga bata matapos nakahawid sa balagon. Ara na sa paghinakup sang iya tiya ang survivor. Naga-obra sa Manila ang iloy sang mga bata. (JoMaque)