60-anyos nga babaye sa Tigbauan, patay sang ginbuno sang lalaki nga nagsulod sa ila balay
Tigbauan, Iloilo — Patay ang 60 anyos nga babaye nga negosyante sang ginbuno sang lalaki nga nagsulod sa ila balay sa Parara Sur, Tigbauan kaina sang kaagahon. Ginkilala ang napatay kay Baldomera Duga samtang pilason man ang iya hinablos nga si Mary Joy Cabuguas kag luwas na sa katalagman. Suno kay Inspector Hermogenes Eulatic, hepe sang Tigbauan Police Station, base sa ila pag-imbestigar, nagsulod ang suspek nga may tabon ang guya paagi sa bintana sang kwarto ni Cabuguas samtang mabunok ang ulan.Ginabanta nga nagataas ang suspek sang 5’9 tubtob 5’10, 27 tubtob 29 anyos kag singkit ang mata. Nadala sang suspek ang wallet ni Cabuguas pero padayon ang pag-imbestigar kon may iban pa nga nadula sa balay. (JoMaque)