8 ka tuig nga bata nga lalaki, naglain ang pamatyag matapos ginpahayag ginlagas sang lalaki nga may bitbit nga sako
Iloilo City — Naglain ang pamatyag sang walo ka tuig nga bata nga lalaki sa Mandurriao matapos ginpahayag nga ginlagas sang lalaki nga may bitbit nga sako. Suno kay alyas Toto, nagapauli na siya halin sa tiangge mga alas-9 sang Huwebes sang gab-i, ginlagas siya sang lalaki. Ginpabutyag pa ni Toto nga may dala nga sako ang lalaki kag naghana nga isulod siya gani nagdalagan ang bata.
Suno naman kay alyas Grace nga iloy ni Toto, nakita niya ang lalaki nga nagasunod sa iya bata nga nagataas sang 5’9 tubtob 5’10 pero wala niya natalupangdan kon may bitbit nga sako. Ginlagas man sang iya bana ang lalaki pero wala na nakita. Gin-athag ni Grace nga indi niya luyag mangbulabog pero nagalaum nga mangin aktibo ang mga otoridad sa pagbantay sa seguridad. Ginhilanat si Toto suno kay Grace kag indi gusto nga bayaan bangud sa sobra nga kulba. (JoMaque)