Ordinansa nga magadumili sa pagtanum sang puno sang kahoy malapit sa transmission lines sang ILECO, plano nga ipasar sang Sangguniang Panlalawigan

Iloilo City — Planu sang Sangguniang Panlalawigan sa probinsya nga mag-pasar sang ordinansa nga magadumili sa pagtanum sang kahoy sa idalum ukon malapit sa mga transmission lines sang ILECO.  Ini ang ginpabutyag ni 1^st District Board Member Renee “Coy” Valencia matapos maguwa sa ila committee hearing sa mga general managers sang ILECO nga 80 porsyento sang gulpi nga pagluntad sang brownout amu ang naga-sablay nga mga sanga sang kahoy sa mga ILECO transmission lines. Nahibalu-an nga naghimu sang nagligad nga byernes sang joint committee hearing ang committee on general services kag committee on cooperative sa SP agud hibalu-on ang kawsa sang asud-asud nga pagluntad sang brownout sa area of coverage sang tatlo ka mga electric cooperatives sa probinsya. (JoMaque)