Active member sang Philippine Army kag manugpiloto, dakup sa buy bust operation sa Arevalo!

Iloilo City–Nadakpan sa buy bust operation ang active member sang Philippine Army kag manug-piloto sa beach resort sa Sto. Niño Norte, Arevalo kaina sang aga.

Ginkilala ang mga nadakpan kanday Ron Jacob Mirafuentes sang Binalbagan, Negros Occidental kag Corporal Jonas Largo nga nagpakilala man nga Larry Andal Jalandone base sa nakuha nga ID sang AFP kag PDEA sa iya, residente sang San Isidro, Toboso, Negros Occidental. Narecover sa ila ang 13 ka sachets sang suspected shabu, 800 pesos nga buy bust money kag 45 caliber pistol.

Si Largo ang aktibo nga miembro sang Philippine Army samtang si Mirafuentes ang ginpahayag nga nag-eskwela sang aviation course. May impormasyon nga nagatrabaho sa france ang ginikanan ni Mirafuentes. (AGB)