49-anyos nga lalaki sa Banate, patay sa pagpangtiro!

Banate, Iloilo–Patay ang 49-anyos nga lalaki sang gintiro sang wala makilala nga suspetsado sa Barangay Dela Paz kagab-i.

Napilasan sa wala nga parte sang dughan si Ronald Bermejo sang nasambit nga lugar kag gindeklarar nga dead-on-arrival sa Barotac Viejo District Hospital. Suno kay PINSP Gernando Punzalan Jr, hepe sang Banate Police Station, nagapanirado sang tyangge ang biktima sang ginpalapitan sang suspetsado kag gintiro.

Gintuyo pa nga lagson sang mga pumuluyo ang suspect apang nagpinalupok ini samtang nagapalagyo pakadtu sa bukid. Narecover ang pito ka baseyo sang 45 kalibre nga pusil kag isa ka deformed slug.

Daan nga hiligut-anon ang ginasunod nga motibo sa krimen. (AGB)