Anti-modified muffler ordinance sa syudad, indi mapatuman bangud wala sang equipment nga gamiton

Iloilo City — Obligasyon sang executive department ang pagbakal sang equipment nga gamiton sa pagpatuman sang anti-modified muffler ordinance.  Paathag ni Councilor Joshua Alim nga proponent sang ordinansa, wala na sang labot ang city council sa pagbakal sang equipment sa pagtakus sang noise level sang mga muffler sa motorsiklo. Suno sa konsehal, obligasyon lang nila ang pagduso kag pagpasar sang ordinansa.

Ginpirmahan man suno kay Alim ni Mayor Jed Patrick Mabilog ang ordinansa gani nagakahulugan nga wala siya nagapamatuk diri. Magabulig suno kay Alim sa alkalde sa pagpangita sang equipment ang General Services Office. Nagreact si Alim sa pahayag ni Mabilog nga indi pa ma-implementar ang ordinansa bangud wala sang equipment nga gamiton ang syudad kag wala siya nakahibalo kon diin ini baklon. (JoMaque)