19 ka pamatan-on sa Cabatuan, naluwas sa hazing

Cabatuan, Iloilo — Naluwas sa hazing ang 19 ka mga pamatan-on sa Barangay Janipaan, Cabatuan kahapon. Suno kay Senior Inspector Jess Baylon, OIC sang Cabatuan Police Station, nagpadulong ang grupo sa lugar pasado alas 3 kahapon sang hapon sang nagpabalo ang force multiplier nga may initiation sang fraternity sa mga pamatan-on. Sa 19 ka mga pamatan-on, 18 dire ang mga lalaki kag isa ang babaye kag kadam-an mga estudyante sang high school kag kolehiyo. 13 dire ang mga menor de edad. Tuyo nga mag-initiate sa mga pamatan-on suno kay Baylon ang Juventus Amicitia Frasority ukon JAF. (JoMaque)