Iloilo City, gintay-ug sang linog!

Iloilo City–Napuhag ang pila ka residente sa syudad matapos nga nabatyagan ang pagtay-ug pasado alas-4 kaina sang hapon.

Suno kay Mark Bautista sang PHIVOLCS Manila, narecord ang magnitude 6.5 nga linog sang Jaro, Leyte. Tectonic ang origin sang pagtay-ug nga natabu alas-4:03 sang hapon.

Narecord ang Intensity V sa Tacloban City, Palo Leyte kag Cebu City; Intensity IV sa Tolosa Leyte, Sagay City Negros Occidental kag Burgos, Surigao del Norte. Intensity III naman sa Bogo, Cebu kag Calatrava Negros Occidental, Intensity II sa Libjo, San Jose, Cagdianao kag Dinagat Islands kag Intensity I sa Roxas City kag La Carlota City. Posible suno kay Bautista nga Intensity I ng nabatyagan sa Iloilo City. (AGB)