ArchivesLokal

MISIS, GINPAHAYAG NADAKPAN SANG IYA BANA NGA MAY KAUPOD NGA LAIN NGA LALAKI SA SULOD SANG BEACH RESORT SA AREVALO!

Iloilo CityNangluya ang bana matapos nakumpirmar nga asawa niya ang nagcheck-in sa Wilkins Beach Resort sa Sto. Niño Norte, Arevalo subong nga gab-i. Suno kay Kag. Niño Flores, nagpangayo sang bulig ang boy sang motel agud malikawan ang gamo. Ginsaysay suno sa kagawad sang bana nga nasundan niya ang iya asawa halin sa City Proper tubtob sa beach resort. Naghulat sa guwa sang kwarto ang bana upod sa mga barangay officials, barangay tanod kag pulis. Ginpahayag nga nakibot pa ang asawa sang naguwa na kag nakita ang iya bana. Gindala ang bana, asawa kag lalaki nga kaupod sang asawa sa Arevalo Police Station.

Ginpanindugan sang 35 anyos nga asawa, nga ginpadakop sang bana matapos naaktuhan nga nagcheck in sa beach resort sa Arevalo upod ang iban nga lalaki, nga naga-sideline lang siya bilang masahista agud madugang sa income. Suno sa asawa, base man sa iya panaysayon sa police, nga kulang ang suweldo sang iya bana bilang property custodian sa isa ka construction firm para sa ila pang-adlaw-adlaw nga kinahanglanon rason nga nangita siya sang sideline paagi sa pagmasahe. Wala na gindayon sang bana ang pagpasaka sang kaso sa iya asawa kag sa lalaki matapos na-istoryahan man kag na-areglo. Suno sa police, nagpangibabaw ang pagpalangga sang bana sa iya asawa rason nagdesisyon na lang nga indi na magpasaka sang kaso.Upod nga nagpauli ang mag-asawa. (JoMaque)

ArchivesLokal

MISIS, GINPAHAYAG NADAKPAN SANG IYA BANA NGA MAY KAUPOD NGA LAIN NGA LALAKI SA SULOD SANG BEACH RESORT SA AREVALO!

Iloilo CityNangluya ang bana matapos nakumpirmar nga asawa niya ang nagcheck-in sa Wilkins Beach Resort sa Sto. Niño Norte, Arevalo subong nga gab-i. Suno kay Kag. Niño Flores, nagpangayo sang bulig ang boy sang motel agud malikawan ang gamo. Ginsaysay suno sa kagawad sang bana nga nasundan niya ang iya asawa halin sa City Proper tubtob sa beach resort. Naghulat sa guwa sang kwarto ang bana upod sa mga barangay officials, barangay tanod kag pulis. Ginpahayag nga nakibot pa ang asawa sang naguwa na kag nakita ang iya bana. Gindala ang bana, asawa kag lalaki nga kaupod sang asawa sa Arevalo Police Station.

Ginpanindugan sang 35 anyos nga asawa, nga ginpadakop sang bana matapos naaktuhan nga nagcheck in sa beach resort sa Arevalo upod ang iban nga lalaki, nga naga-sideline lang siya bilang masahista agud madugang sa income. Suno sa asawa, base man sa iya panaysayon sa police, nga kulang ang suweldo sang iya bana bilang property custodian sa isa ka construction firm para sa ila pang-adlaw-adlaw nga kinahanglanon rason nga nangita siya sang sideline paagi sa pagmasahe. Wala na gindayon sang bana ang pagpasaka sang kaso sa iya asawa kag sa lalaki matapos na-istoryahan man kag na-areglo. Suno sa police, nagpangibabaw ang pagpalangga sang bana sa iya asawa rason nagdesisyon na lang nga indi na magpasaka sang kaso.Upod nga nagpauli ang mag-asawa. (JoMaque)

Leave a Reply