January 27, 2022

District Engineer sang DPWH-Antique, ginpahayag naghikog patay!

Read Time:1 Minute, 1 Second

Iloilo City — Nasapwan nga patay sa sulod sang ginadayunan nga balay sa barangay Dungon B. Jaro ang district engineer sang DPWH Antique kahapon sang aga. Suno sa landlady sang balay, nakabati pa siya sang lupok apang iya ginbalewala sa pagpati nga fireworks ang naglupok. Antes nasapwan, nakatawag pa sa iya ang asawa sang district engineer bangud wala ini nagasabat kun tawgan ang cellphone.        Nakibot ang landlady sang nasapwan nga nagakulob sa iya kama ang district engineer kag dugoon. Ginpabutyag sang landlady nga mabuot ang district engineer  kag wala ini sang kontra. Malapit nga abyan sang iya pamilya ang district engineer nga masami naga-overnight sa ila balay antes ini magpauli sa Manila ukon magpakadtu sa Antique.

Base sa initial nga imbestigasyon sang pulis, may pilas sa sag-ang lusot sa likod sang ulo ang Engineer tuga sang pagkatiro. Dugang diri, may kibyas man siya sa wala nga kilid sang lawas. Wala ginpwersa nga ginsulod ang balay sang Engineer suno kay PSI Tranquilino Querubin, hepe sang Jaro Police Station. Dugang niya, wala man nagkalay-ag ang pagkabutang sang Engineer sa sulod sang iya kwarto sa diin siya nasapwan. Narecover sa kwarto ang .45 caliber pistol nga nauyatan pa sang Engineer nga nagahapa sa kama. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 19-anyos nga lalaki sa Anilao, dakup sa buy bust operation
Next post Mga personal nga pagkabutang nga ginkuha sang NPA sang ginsalakay ang Maasin Police Station, ginturn over