Protect Panay-Guimaras Movement, ginlunsar sa Iloilo
Iloilo City–Ginlunsar ang Protect Panay-Guimaras Movement sa Iloilo Sports Complex gym kaina sang aga.
Masobra lima ka libo ka barangay officials, mga miembro sang mamamayan ayaw sa anomaliya-mamamayan ayaw sa illegal na droga ukon MASA-MASID kag technical working group ang nagpasakup sa launching. Naghalin ang mga delegado sa Iloilo, Guimaras, Antique, Capiz kag Aklan.
Ginpangunahan sang Jaro Social Action Center, Department of Interior and Local Government, Philippine National Police kag Philippine Army ang event. Ang Protect Panay-Guimaras Movement may tema nga “Hulag na, kaupodka.” (AGB)