Barko nga nagatakilid sa Lapuz, inspeksyunon sang PPA

Iloilo City — Ipasalom sang Philippine Ports Authority (PPA) ang barado nga dredger vessel sa Lapuz agud mapalutaw kag indi mangin risgo sa publiko. Ini ang ginpahayag ni Rodel Lagmay, terminal supervisor sang PPA bangud sang kadelikado sang barko nga nagatakingking kag amat-amat nga nagalugdang. Suno kay Lagmay, maga-coordinate siya sa MARINA agud makakuha sang accredited company nga magasalum sa barko kag ma-assess kun paano palutawon. Nagbutang na sang oil spill boom ang Philippine Coast Guard agud indi maglapta ang nagatagas nga langis. Ginpahayag ni Lagmay nga kinahanglan ang eksperto nga may bastante nga equipment sa pagsalum. Una na ginkonformar ni Lagmay nga ara na sa ila opisina ang P2.1 million nga budget para sa pagsolbar sang amu nga problema. (JoMaque)