Sindikato, ginatudlo nga yara sa likod sang pagpakupos sang mga salakyan nga naga-park sa Iloilo Fastcraft Terminal sa Lapuz

Iloilo City — Ginbuyagyag ni Libertad, Lapuz Punong Barangay Sumakwel Nava nga may sindikato sa pagpakupos sang goma sang mga salakyan nga gina-park sa Iloilo Fastcraft Terminal sa Lapuz. Kasunod ini sang reklamo sang taga-Oton nga ginpalab-ut sa Aksyon Radyo Iloilo nga kupos na ang goma sang ila salakyan nga ginbilin sa compound sang terminal sang nag-abot sila halin sa Bacolod. Suno kay Nava, nakahusay siya sa baisay sang pila ka tawo bangud sa kita sa sulod sang terminal. Nagalaum si Nava nga masolusyunan sang Philippine Ports Authority ang problema. Una na nagpabutyag si Department of Tourism 6 Director Atty. Helen Catalbas nga anti-tourism kag anti-travel ang problema kag kinahanglan aksyonan sang mga otoridad. (JoMaque)