Manug-lechon sa Mandurriao, ginreklamo sang iya boardmate nga nanglingling kag nagkuha sa iya sang video samtang nagapaligo

Iloilo City–Nagreklamo ang 21-anyos nga hair dresser sang salon sa Mandurriao nga ginlingling sang iya boardmate nga manug-lechon.

Suno kay alyas Nene sang Guimaras, nasiplatan niya ang nagalabaw nga cellphone sa ibabaw nga parte sang banyo samtang nagapaligo siya nga hublas. Gintudlo ni Nene ang iya boardmate nga si alyas Charles nga amo ang nagkuha sang video sa iya.

Ginpahayag ni Nene nga ginkomprontar niya si Charles pero nagpakuno-kuno ang lalaki nga bag-o lang bugtaw. Gin-usisa ni Nene ang cellphone sini kag nakita ang video nga nagalawig sang pila ka segundos gani wala na ginbuy-an sang babaye ang cellphone. Naglisensya naman si Charles sa ila landlord nga manigarilyo pero wala na nakabalik.

Ginpablotter ni Nene ang natabu sa police station. (AGB)