27-anyos nga lalaki, nalumos sa busay

Iloilo — Nalumos samtang nagapaligo sa busay ang 27 anyos nga lalaki sa Barangay Igtuble, Tubungan kahapon. Suno kay Senior Inspector Rolando Araño, hepe sang Tubungan Police Station, nadala sang mabaskug nga current sang tubig si Denmark Tagamtam sang barangay adgao sa amo man nga banwa. Nagab-ihan lang pero wala nakita si Tagamtam kag padayon ang search operations sang mga otoridad. Kaupod ni Tagamtam nga nagapaligo ang iya lima ka barkada sang natabu ang insidente. May portion sang busay suno kay Senior Inspector Araño nga madalum ang tubig bangud nag-ulan.(JoMaque)