20-anyos nga service crew kag working student, ginkastigo na, ginkawatan pa sa Jaro Plaza

Iloilo City–Nagpanalakit ang lawas sang 20-anyos nga service crew kag working student nga ginbanggaan kag ginpulihan kastigo sang lima ka lalaki sa Jaro Plaza kaina sang kaagahon.

Suno kay Jener Denaga sang Seminario, Jaro, natabu ini samtang nagapauli siya halin sa iya gina-obrahan pasado alas-4 sang kaagahon. Gin-agaw man suno kay Denaga sang mga suspek ang iya nga bag nga may unod nga kaheta, cellphone kag iban pa nga mga papeles sa eskwelahan.

Na-identify sang mga pulis ang isa sa mga suspek nga si Nestor Parreño, 18-anyos sang Balabag, Pavia nga ginatudlo miembro sang TYGA gang. 2016 sang nakasuhan si Parreño sang visiting drug den suno sa Jaro police. Ginapangita na sang mga pulis si Parreño kag ang iya kaupod nga ginpahayag mga menor-de-edad. (AGB)