Curfew for Minors Ordinance sa Pavia, epektibu suno kay Mayor Mike Gorriceta

Pavia, Iloilo–Epektibo ang mas istrikto nga pagpatuman sang curfew  sa mga menor-de-edad sa banwa sang Pavia.

Suno kay Mayor Mike Gorriceta, halin sang ginhugtan ang pagpatuman sang ordinansa sa banwa, halos wala na sang nagalagaw nga menor-de-edad sa tiun sang curfew hours. 2012 pa sang ginpasar ang ordinansa pero subong pa lang hugot nga napatuman upod ang mga ordinansa nga nagadumili sa pagbaligya sang sigarilyo kag makahulubog nga ilimnon sa mga menor-de-edad.

Ang madakpan nga menor nga naglapas sa Curfew Ordinance, ginadala sa police station, ginarecord kag ginapatawag pagka-aga upod ang ginikanan. Ipa-idalum man ang sila sa community service kag counseling. (AGB)