Ginatudlo nga number 1 target drug personality sa Pavia, dakup sa buy bust operation

Pavia, Iloilo–Nadakpan ang ginatudlo nga number 1 target drug personality sa pavia sa buy bust operation sa Barangay Mali-ao sa amo man nga banwa kaina sang udto.

Suno kay PCINSP Fernan Limbungan, hepe sang Pavia Police Station, nakuha kay Joemarie Sumayang, 36-anyos, ang 12 ka sachets sang suspected shabu, 500 pesos nga buy bust money kag P1, 400 nga cash. Gin-angut man ni Limbungan si Sumayang kay Michael Jancilan nga high value target level 2 drug personality sang Iloilo City Police Office sa idalum sang Odicta drug group.

Nanginwala naman si Sumayang nga nagabaligya siya sang illegal drugs. Gin-ako sini nga tokhang surrenderer siya pero ginpanindugan nga 2013 pa siya nag-untat sa pagamit sang illegal drugs. (AGB)