Plano nga pagtukod sang Panay-Guimaras-Negros Bridge, ginpasalig ni DPWH Sec. Mark Villar

Iloilo City — Nagpasalig si Department of Public Works and Highway ukon DPWH Secretary Mark Villar nga padayunon ang Build, Build, Build Policy sa syudad. Pamatuod dire ang padayon nga paghatag sang pondo para sa mga infrastructure projects sa syudad. Lakip na dire ang plano nga pagtukod sang Panay-Guimaras- Negros Bridge nga may kalabaon nga 19 ka kilometro.  Ini ang mangin isa sa pinakamalaba nga taytay sa pungsod.  Subong nga bulan, may team nga makadto sa syudad para sa ginaplano nga proyekto suno sa tiglikom. Si Villar ang isa sa nangin dinapit nga bisita sa inagurasyon sang mga infrastructure projects sa syudad sang kaina sang aga pareho sang Nabitasan- San Rafael by-pass road kag Esplanade 1 extension. (JoMaque)