CIDG, napaslawan nga maserbe ang bench warrant kay former Sara Mayor Neptali Salcedo

Sara, Iloilo — Napaslawan ang criminal investigation and detection group nga maserbe ang bench warrant nga ginpapanaug sang judge batuk kay former Sara Mayor Neptali Salcedo bangud makapila ka beses nga wala nagtambong sa hearings sang mga kaso batuk sa iya.  Suno kay Inspector Pedro Celino, head sang CIDG Iloilo and Guimaras, nagpadulong sila sa balay sang anay alkalde sa sara agud i-implementar ang bench warrant sa kaso nga malversation of public funds, falsification of document kag graft and corruption. Pero wala naabtan sang CIDG si Salcedo kag ginrason sang iya asawa nga si incumbent Sara Mayor Ermilita Salcedo nga may ginkatuan ang iya bana. Duha ka oras suno kay celino nga naghulat sila pero wala gid nakapauli ang anay mayor gani gindala nila ang bench warrant pabalik sa syudad.