‘Wala pa sang collective action’

Iloilo City — Mangabay si Councilor Ely Estante sa mga kaupod niya sa konseho nga magsapol agud istoryahan kun ano ang ila mangin lihok sa mga isyu nga gina-atubang ni Mayor Jed Patrick Mabilog kag sang syudad may kaangtanan sa illegal nga druga.  Suno kay Estante, inisyatibo kuntani ini sang Committee on Peace and Order nga ginapamunuan ni Councilor Jeffrey Ganzon. Apang nagpahayag si Ganzon nga mas maayo kun pamangkuton ang iban nga mga konsehal bangud sila ang mas malapit sa alkalde ilabe na ang mga babaye nga konsehal. Gintudlo man ni Ganzon ang Committee on Good Governance nga ginapamunuan ni Councilor R Leone Gerochi. Kasunod ini sang padayon nga paghipos sang konseho kag kawad-an sang collective action halin sang gintawag ni Presidente Rodrigo Duterte nga ‘most shabulized’ ang syudad. (JoMaque)