Menor de edad, ginbuno sang ginapatihan miembro sang gang sa Jaro

Iloilo City — Nabun-an sang ginapatihan mga miembro sang gang ang 15-anyos nga estudyante sa Jaro kagab-i. May pilas sa likod si alyas Ed sang Ledesco Village, Lapaz nga madasig nga gindala sa West Visayas State University Medical Center. Ginapatihan ice pick ang gingamit sa pagbuno. Suno sa abyan ni Ed nga si alyas Nonoy, 16-anyos, nagalakat sila nga tatlo szang iya abyan sang natripingan sang ginabanta 20 ka pamatan-on nga ginaginadudahan nga mga gang members sa guwas sang Jaro 1 Elementary School. Nakadalagan si Nonoy kag ang isa pa sini ka abyan apang nabilin si Ed nga nabun-an. Padayon nga gina-imbestigaran sang Jaro police ang identity sang mga suspek. (JoMaque)