Mga barangay kapitan nga may kaangtanan sa illegal nga druga, gintawag nga mga “patay huya” ni Sinikway Lapuz Punong Brgy. Felix Ventura

Iloilo City — Patay huya ang mga barangay kapitan nga may kaangtanan sa illegal nga druga sa syudad. Ini ang reaksyon ni Sinikway, Lapuz Punong Barangay Felix Ventura sa pahayag ni Councilor Joshua Alim nga may problema sa accuracy ang Barangay Anti-Drug Abuse Council ukon BADAC report sang mga barangay. Suno kay Ventura, indi dapat magbinutig ang mga kapitan kag dapat ibutang sa ila nga BADAC report ang mga drug personalities sa ila barangay. Dapat man suno sa iya nga basulon ang mga barangay kapitan bangud sa epekto sang illegal nga druga. (JoMaque)