Mga police nga naka-neutralize kay top drug personality Richard Prevendido, ginpasidunggan sang NAPOLCOM 6

Iloilo City — Ginpasidunggan sang National Police Commission (NAPOLCOM 6) ang mga operatives nga nag-neutralize kay PDEA 6 identified drug group leader Richard Prevendido. Lakip nga nakabaton sang award suno kay NAPOLCOM 6 spokesperson Allen Camiring sanday PRO 6 Director Cesar Hawthorne Binag, IPPO Director Marlon Tayaba, SWAT Head Supt. Efren Lozada kag Regional Intelligence Division OIC Supt. Julius Balano. Nakabaton man sang Plaque of Commendation sanday Aksyon Johnny Diaz kag Aksyon Niel Gumban. Napatay si Prevendido kag iya bata nga si Jason sang ginpahayag nagbato sa mga police nga maserbe sang warrant of arrest sa ginapanaguan sini nga balay sa Landheights Subdivision sa Balabago Jaro sang Setyembre 1 sang gab-i. Ginhiwat ang awarding kadungan sa ika-51st anniversary sang NAPOLCOM. (JoMaque)