Mandatory drug test, plano ipatuman sa mga estudyante kag empleyado sa John B. Lacson Foundation Maritime University-Arevalo

Iloilo City — Ginpasangkad pa sang tagdumalahan sang John B. Lacson Foundation Maritime University sa Arevalo ang kampanya kontra illegal nga druga matapos nadakpan ang duha ka estudyante sa buy bust operation sang nagligad nga semana. Suno kay Engr. Robert Neal Sobrejuanite, administrator sang buluthuan, plano sini nga i-mandatory drug tests ang mga estudyante sa kolehiyo kag mga empleyado. Plano man nga mag-coordinate sang management sa police, PDEA kag iban pa nga ahensya sang gobierno agud mapaayo ang kampanya kontra illegal nga druga. Una na gin-ako ni Sobrejuanite nga may kakulangan pa sila kun ngaa nalutsan ang eskuwelahan gani isa ini sa mga tuyo nila masolusyunan. Hingyuon man sang management ang bulig sang mga barangay officials sa Arevalo kag Boarding House Commission para sa kampanya. (JoMaque)