MAYOR JED PATRICK MABILOG KAG COUNCILOR PLARIDEL NAVA, GIN-INDICT SANG OMBUDSMAN SA KASO NGA GRAFT

Iloilo City — May nakita nga probable cause si Ombudsman Conchita Carpio-Morales agud kasuhan sanday Mayor Jed Mabilog kay Councilor Plaridel Nava sa violation sang Anti-Graft and Corrupt Practices Act (RA 3019). Nag-ugat ang kaso sa towing deal nga ginsulod sang city government sa 3L Towing Services sang 2015. Sa resolution sang Ombudsman, gin-aprobahan sang Sangguniang Panlungsod sang April 4, 2014 ang regulation ordinance para sa paggamit sang wheel towing clamp bilang kabahin sang towing ordinance. Pebrero 17, 2015, gin-aprobahan sang SP ang resolution nga naga-authorize kay Mabilog nga magpirma sang Memorandum of Agreement (MOA) sa tunga sang city government kag 3L Towing Services para sa implementasyon sang clamping ordinance. Base sa MOA, 70% sang revenue ang makadtu sa towing company samtang 30% ang share sang city government. Apang ginsuspender ni Mabilog ang MOA bangud sang ginpahayag “some technical issues” sang Pebrero 27. Makaligad ang tatlo ka bulan, nagsulat kay Mabilog ang tag-iya sang 3L nga si Leny Garcia nga nagapahibalo nga ginbawi sini ang MOA bangud sang mga legal issues. Gin-akusahan naman ni Nava si Mabilog nga nagapanag-iya sang towing company kag gin-claim nga may financial interests ang alkalde sa MOA.

“Wala pa nakabaton sang kopya”

Wala pa nakabaton si Nava sang kopya sang resolution nga ginpapanaug sang ombudsman nga naga-indict sa iya kag kay Mayor Jed Patrick mabilog may kaangtanan sa kaso nga ginfile ni journalist Boy Mejorada.  Suno kay Nava, unfair sa iya ang desisyon sang Ombudsman bangud wala siya ginhatagan sang tsansa nga maka-file sang counter affidavit antes nagpaguwa sang desisyon.  Ginpabutyag ni Nava nga ang iya testimonya ang ginbasehan sang kasu nga ginfile ni Mejorada kag ini lang ang ebidensiya nga ginbasehan sang Ombudsman. Matandaan, ginpahayag ni Nava nga si Mayor Mabilog ang nagapanag-iya sang 3L towing services nga nagkontrata sa city governemnt apang ginpanginwala sang alkalde kag gintudlo naman sini si Nava nga amu ang nagapanag-iya sini. (JoMaque)