Mayor Jed Mabilog, handa magtestigo sa kaso nga ginpasaka batuk kay Councilor Plaridel Nava

Iloilo City — Handa nga magtestigo si Mayor Jed Patrick Mabilog sa kaso nga gradt nga ginpasaka niya batuk kay Councilor Plaridel Nava. Suno kay Atty. Mark Piad, spokesman ni Mabilog, wala pa sang ginhambal ang alkalde sa iya nga indi magtestigo batuk kay Nava kag padayunon gihapon ang kaso. Ma-file sang motion for reconsideration ang kampo sang alkalde kun mabaton na nila ang resolution sang Ombudsman nga naga-indict sa kaso nga gin-file ni journalist Manuel Mejorada. Matandaan nga nagkasuhay sanday Nava kag Mabilog bangud nagatudlu-anay sa kun sin-o sa ila an matuod nga tag-iya sang 3L Towing Services, ang pribado nga kompaniya nga ginkuha sang city government para sa implementasyon sang Towing Ordinance. Nagpabutyag naman si Nava nga indi siya magtestigo sa kaso batuk kay Mabilog bangud iya man testimonya sa supplemental affidavit ang ginbasehan sang alkalde. (JoMaque)