P1.8 million nga balor sang pesticide, narecover sa balay sang retirado nga provincial agriculturist sa Dumangas!

Dumangas, Iloilo–Ginabanta sa 1.8 ka milyon ka balor sang pesticide ang narecover sa balay sang retirado nga provincial agriculturist sa Dumangas kahapon.

Sa raid sang mga miembro sang Criminal Investigation and Detection Group ukon CIDG sa balay ni Pablo Demaisip Jr sa Bantud, Dumangas, 277 ka pakete sang indi rehistrado nga Bristan Powder Pesticide nga nabutang sa 21 ka karton ang narecover. Suno kay Inspector Pedro Celino, head sang CIDG Iloilo and Guimaras, nagabalor sang P6,800 ang kada isa ka kilo nga pakete sang pesticide.

Ginpadala suno sa iya sa Fertilizer and Pesticide Authority ang narecover nga mga pesticide kag natukiban sa analysis nga may chemical compound ang pestisidyo nga gina-ban sa Pilipinas.

Nagapangatubang sang kaso si Demaisip bangud indi ini otorisado nga magbaligya sang indi rehistrado nga pesticide. (AGB)