Granada, ginhaboy sa compound sang LTO 6

Iloilo City–Ginhaboyan sang granada ang compound sang Land Transportation Office ukon LTO 6 sa Jaro kagab-i apang wala naglupok.

Suno kay Security Guard Vincent Fiolog sang Mount Carmel Security Agency, nakabati siya sang lagapok mga alas-11 kagab-i kag sang ginsug-an niya sang flashlight, nakita sini ang granada malapit sa patrol car sang LTO.

Nagtawag siya sa mga pulis kag nagresponder man ang mga operatiba sang Explosive and Ordnance Division. Nakita nga wala na sang pin ang MK2 fragmentation grenade.

Ginpahayag sang security guard nga may naglabay nga motorsiklo antes niya nabatian ang paglagapok. (AGB)