Punong barangay sa San Miguel, Iloilo, nadakpan sa raid
San Miguel, Iloilo–Gindakup ang punong barangay sang Consolacion, San Miguel matapos ginserbihan sang search warrant may kaangtanan sa illegal nga paghupot sang armas.
Suno kay PINSP Pedro Celino sang Provincial Criminial Investigation and Detection Group, nakuhaan si Luisito Alvior, 58-anyos, sang bala sang 9mm pistol kag ammunition box. Ginpahayag nga may 45 caliber pistol, 9 mm caliber pistol kag shot gun ang punong barangay suno kay Celino apang wala nakita sa iya balay.
May impormasyon man nga nagagamit kag nagabaligya sang illegal nga druga ang punong barangay.
Preso sa San Miguel Police Station si Alvior. (AGB)