January 27, 2022

Supplier sang mga pisu nga ginpanagtag sang City Government sa mga 4Ps beneficiaries, nagpanindugan nga 300 grams ang kabug-aton sang iya mga manok

Read Time:59 Second

Iloilo City — Nagpa-interview sa Aksyon Radyo Iloilo ang tag-iya sang Foodwealth Agro-Vet Trading nga supplier sang City Agriculture Office sang mga manok sa Integrated Community Food Production Program nga ginpondohan sang National Anti-Poverty Commission.  Ginpanindugan ni Mr. Gaspar Igona nga wala siya sang ginlapas sa terms of reference nga tag-300 grams ang kabug-aton sang kada pisu sa kada benepisaryo. Suno kay Igona, gin-isa-isa niya kilo ang gindistribute nga mga pisu.  Ginpa-athag naman sini nga daw inumol ka daku kag pisu pa lang ang 300 grams. Apang kon talin naman, 800 grams ukon masobra pa ang kabug-aton kag mabakal na sang 600 pesos. Base sa purchase order, tag-198 pesos kag 50 sentimos ang ginpatong ni Iguna sa kada pisu nga gindistribute. Sa isyu naman nga wala nasunod ang ratio, ginpabutyag ni Igona nga sigurado siya nga may isa ka sulog kag apat ka munga ang kada benepisaryo. Mabal-an na suno sa iya kon munga ukon sulog ang 60-day nga pisu.  Nagreklamo ang pila ka benepisaryo nga pisu kag indi talin ang ginhatag sa ila kag indi man alalangay ang ratio base sa terms of reference. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post IPPO Director Marlon Tayaba, nagpasalig nga imbestigaran ang kamatayon sang preso sa Passi City Police Station nga ginpahayag nasobrahan sa kastigo
Next post Police Regional Office 6, irekomendar sa Regional Peace and Order Council Meeting ang pagpa-in sang cash reward agud madakpan ang duha ka bag-o nga drug group leaders sa Iloilo